Dëmet nga moti i keq/ OSSH: Situata e përkeqësuar në Lezhë, Shkodër, Tropojë, Laç, Rrëshen dhe Gjirokastër (FOTO) 0 14

OSSH informon lidhur me dëmet në sistemin e shpërdnarjes së energjisë elektrike prej motit të keq mbrëmjen e kaluar dhe në orët e para të mëngjesit.

Siaps njoftimit zyrtar, situata më e përkeqësuar paraqitet në Shkodër, Lezhë, Tropojë, Lacc, Rrëshen kurse në jug në rajonin e Gjirokastrës.

Sipas OSSH, terreni është i vështirë por po punohet për të riparuar defektet.

 

NJOFTIMI NGA OSSH

Moti i keq, OSSH monitoron situatën, vijon puna për riparimin e defekteve nga dëmet

Për shkak të motit të keq, me reshje shiu intensive dhe shkarkime atmosferike, gjatë natës së mbrëmshme dhe orëve të para të mëngjesit të sotëm, rrjeti i shpërndarjes  elektrike në disa zona në vend ka pësuar dëme.

Situata paraqitet e përkeqësuar në Lezhë, Shkodër, Tropojë, Laç, Rreshen dhe rajoni Gjirokastër.

Terreni i vështirë e ka bërë jo të lehtë punën e punonjësve të OSSH, megjithatë grupet e avarisë po angazhohen pa ndërprerje pë rikthimin e nornalitetit në furnizimin me energji në të gjitha zonat e prekura nga defektet. Rëndësi të veçantë i është kushtuar furnizimit pa ndërprerje të hidrovoreve, spitaleve dhe institucioneve publik.

 

 

 

 

 

 

 

 

(BalkanWeb)

Leave a Reply

Your email address will not be published. Required fields are marked *

Ish-banori i ‘Big Brother’ quan ‘XHANDARE’ Bora Zemanin dhe përplaset KEQ me Melisën, kjo e fundit reagon ashpër! 0 7

Një tjetër sherr është hapur së fundmi e këtë herë bëhet fjalë për ish-banorin e “Big Brother”, Damiano Agalliun dhe konkurrenten e “Përputhen”, Melisën. Damiano ka postuar në Instastory disa statuse ku kritikonte Bora Zemanin për prezantimin dhe i bënte thirrje autores Olsa Muhameti t’i tërheqë veshin Melisës.

“Sjellja e Melisës është e patolerueshme kur i kthehet me mimika në fytyrë të tjerëve, në mënyrë tallëse. Olsa Muhameti tërhiqja çik veshin sepse aty bërtet duke thënë ‘Pse më shajnë mua vajzat’, ndërkohë mimikat dhe duart dhe ironitë në të shprehurit e saj është ajo që thotë Arjan Konomi ‘të neveritshme’. Një shprehje e bukur thotë mënyra sesi sillesh me të tjerët tregon për ty, edukatën dhe kulturën tënde”, shkruan Damiano.

Më tej ai shkruan se Melisa po bën si histerike kundrejt faktit që Mevlani i kushtoi këngë Ledianës.

-640-0-6006d3362871f.jpg

-640-0-6006d33661db5.jpg

-640-0-6006d33696f9d.jpg

-640-0-6006d336d8eee.jpg

d1-1.jpg

d2-1.jpg

Nuk vonoi as përgjigja e Melisës, e cila ia ktheu Damianos përmes disa postimeve në Instastory ku shkruan se ish-banori po kërkon vëmendje.

-640-0-6006d33711ff2.jpg

-640-0-6006d33745c5d.jpg

-640-0-6006d3376b6fd.jpg

-640-0-6006d337911f7.jpg

-640-0-6006d337b2926.jpg

Më vonë Damiano ka reaguar sërish duke u shprehur se nuk ka asgjë me Melisën, por e teproi me sjelljen e saj ndaj Ledianës.

-640-0-6006d337d5477.jpg

Biden betohet si President i SHBA, Bushati: Moment i rëndësishëm për stabilitetin demokratik në rajon 0 3

Presidenti i zgjedhur i SHBA-ve, Joe Biden merr sot zyrtarisht detyrën duke u betuar si president i 46-të i vendit. Për ish ministrin e Jashtëm Ditmir Bushati ky është një moment i rëndësishëm për Shqipërinë dhe rajonin, “që duhet ta shfrytëzojmë maksimalisht, duke pasur në vëmendje rolin e pazëvendësueshëm të SHBA-ve për stabilitetin demokratik në Shqipëri dhe rajon”.

Duke sjellë në vëmendje përkrahjen dhe ndjeshmërinë e Biden për rajonin e veçanërisht Kosovën, Bushati shprehet se kjo lidhje e tij me rajonin, sikundër dhe e ekipit përgjegjës për politikën e jashtme dhe të sigurisë në Shtëpinë e Bardhë dhe Departamentin e Shtetit, janë inkurajuese për një vëmendje të shtuar të SHBA-ve në rajonin e Ballkanit Perëndimor dhe për një bashkëveprim më të ngushtë me BE-në, duke e konsideruar procesin e transformimit të Ballkanit dhe anëtarësimit në BE, një punë të papërfunduar.

Ai shton se ripërtëritja e aleancës euro-atlantike, rikthimi aktiv i SHBA-vë në disa nisma të rëndësishme shumëpalëshe pritet të marrë përparësi me administratën Biden, duke e konsideruar vitin 2021 një vit interesant për të testuar edhe ndërveprimin e SHBA-ve me vendet e G7.

 

 

Postimi i plotë:

Sot është një ditë e rëndësishme për Shtetet e Bashkuara të Amerikës dhe mbarë botën. Fituesi i zgjedhjeve presidenciale, Joe Biden, merr zyrtarisht detyrën si presidenti i 46-të i vendit. Ai mori 306 vota elektorale dhe më shumë se 81 milion vota popullore, duke thyer çdo rekord të zgjedhjeve presidenciale në SHBA.

Në klimën e polarizuar dhe aktet e dhunës që shoqëruan kontestimin e rezultatit të zgjedhjeve, duket se sfida më e madhe politike për Presidentin Biden është normalizimi i mosmarrëveshjeve politike. Krahas stabilizimit të brendshëm, kjo sfidë ka të bëjë edhe me forcën tërheqëse të modelit që përfaqësojnë SHBA-të në botë.

Si pasojë e Pandemisë COVID-19, bota është në dhëmbët e krizës më të rëndë që ka përjetuar që prej Luftës së Dytë Botërore. Në planin ndërkombëtar, SHBA-të mbeten aktori më i fuqishmëm. Kina është një konkurrent gjithnjë e më sfidues, me të cilën SHBA-të do të përballen në një rivalitet më së shumti teknologjik. Nga ana tjetër, ndikimi i Rusisë, kryesisht në kufijtë e NATO-s, rikthen vëmendjen për një angazhim të strukturuar me të.

Në këtë kontekst, ripërtëritja e aleancës euro-atlantike, sikundër rikthimi aktiv i SHBA-vë në disa nisma të rëndësishme shumëpalëshe pritet të marrë përparësi me administratën Biden. Viti 2021 do të jetë interesant për të testuar edhe ndërveprimin e SHBA-ve me vendet e G7. Gjermania dhe Japonia, dy aleatë të pazëvendësueshëm të SHBA-ve, respektivisht në Europë dhe Azi, tradicionalisht të njohura për qëndrueshmërinë e tyre, janë përfshirë në proceset e ndryshimit të drejtuesve politik.

Për fatin tonë të mirë, rajoni ynë nuk është i huaj për Presidentin Biden. Përkundrazi! Krahas njohurive të thella për rajonin, ai ka edhe një lidhje shpirtërore, veçanërisht me Kosovën. Do të mbetet gjithnjë e pashlyer në memorien time – teksa shoqëroja kryeministrin Rama në takimin me Presidentin Obama në Shtëpinë e Bardhë, më 14 Prill 2016, – ndjeshmëria e Zëvendës Presidentit Biden për historinë e dhimbshme të Ballkanit dhe angazhimi i tij për paqen dhe transformimin e rajonit në rrugën drejt anëtarësimit në BE.

Pikërisht, kjo lidhje e tij me rajonin, sikundër dhe e ekipit përgjegjës për politikën e jashtme dhe të sigurisë në Shtëpinë e Bardhë dhe Departamentin e Shtetit, janë inkurajuese për një vëmendje të shtuar të SHBA-ve në rajonin tonë dhe për një bashkëveprim më të ngushtë me BE-në, duke e konsideruar procesin e transformimit të Ballkanit dhe anëtarësimit në BE, një punë të papërfunduar. Për ne, ky është një moment i rëndësishëm që duhet ta shfrytëzojmë maksimalisht, duke pasur në vëmendje rolin e pazëvendësueshëm të SHBA-ve për stabilitetin demokratik në Shqipëri dhe rajon.

 

 

 

 

 

 

(BalkanWeb)