Debatet brenda seancës për dosjen”Hajdari”, avokati i Izet Haxhisë: Proces i politizuar në ekstrem, Gjykata u dorëzua për Zenel Nezën, Berisha do të… 0 62

Avokati i Izet Haxhisë, Idajet Beqiri ka theksuar se pas Zenel Nezës, është radha e Berishës të thirret si dëshmitar pasi do të afrohen prova të shumta.

Ai deklaroi para mediave se procesi është i politizuar në ekstrem, por që momentalisht Gjykata vendosi që ish-kryeministri Sali Berisha të jetë indirekt.

Zenel Neza që shoqëronte pikërisht për vrasjen e Azem Hajdarit do të jetë dëshmitar në proces, teksa Idajet Beqiri ka zbuluar se Gjykata është menduar për shumë kohë për thirrjen e tij teksa thekson se ai është i lidhur me Berishën.

Po ashtu brenda seancës ka pasur shumë debate kryesisht të ardhura nga avokati Beqiri pasi ishte kundër mosthirrjes së Berishës si dëshmitar si dhe kërkoi pezullim të procesit gjyqësor, por që iu rrëzua.

”Është një proces që ka qenë në ekstrem i politizuar, dhe politika i futi hundët në dosje. Nuk ka vdekur, i ka njerëzit e vet. Kjo Gjykatë e pati të vështirë të dilte nga vetja, nga ajo që ka ardhur koha të bëhet e pavarur, dhe për rrjedhojë bëri një kthim mbrapa që bëri Gjykata në themel në vitin 2000. Duke qenë se nuk vajti as aty, se pavarësisht se ajo Gjykatë kishte ndikimin e Berishës, përsëri e thirrën si dëshmitar.
Nuk vendosi Gjykata që s’do thirret. E kosnideroi si dëshmitar indirekt. Ne s’kemi të drejtë ta ankimojmë. Për rrjedhojë jemi të bindur që do dorëzojmë aq prova sa do bëhet e domosdoshme thirrja e Berishës.
Ne afruam shumë, po ju konstatuat edhe faktin se Gjykata ndejti me hezitimin që ta thërrasim Zenel Nezën apo jo. Ai ishte dëshmitar okular. Mbeti i plagosur. Pse nuk e thërret? Se është i lidhur me Berishën. Por ai do vijë në Gjykatë. Përveç Zenel Nezës janë dhe mjaft prova të tjera. Ka plot gjëra të tjera që do zbardhin të vërtetën. ”- tha Idajet Beqiri. /B.W #albaniareport.al

Leave a Reply

Your email address will not be published. Required fields are marked *

70-vite nga pushkatimi pa gjyq të 22 intelektualëve, Meta me mesazh të fortë: Më 25 prill triumfi i demokracisë dhe votës së lirë 0 12

Presidenti Ilir Meta ka reaguar përmes një postimi në facebook lidhur me 70-vjetorin e pushkatimit pa gjyq të 22 intelektualëve, të ekzekutuar me akuzën e stisur të hedhjes së një bombe në ish-Legatën Sovjetike në Tiranë. Ndërsa e konsideron ngjarjen një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Meta ndër të tjera Meta se “një popull që fle në demokraci, rrezikon që një ditë të zgjohet në diktaturë”.

“Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës.”- shkruan Meta, në postimin e tij.

Postimi i plotë:
Me akuzën e stisur të hedhjes së një bombe në ish-Legatën Sovjetike në Tiranë, sot mbushen 70 vjet nga dita kur 22 intelektualë të shquar, qytetarë të pafajshëm, të ndershëm dhe atdhetarë, të lidhur tok me tela me gjëmba, u ekzekutuan barbarisht me pushkatim, pa gjyq.

Kjo masakër e llahtarshme, e kryer brenda një nate, simbol i terrorit ndaj mendimit ndryshe, është një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Duke nderuar kujtimin e viktimave të pafajshme Sabiha Kasimati, Tefik Shehu, Pjetër Guraziu, Jonuz Kaceli, Anton Delhysa, Haki Kodra, Gafur Jegeni, Myftar Jegeni, Manush Peshkëpia, Reiz Selfo, Qemal Kasaruho, Zyhdi Herri, Gjon Temali, Petro Konomi, Niko Lezo, Pandeli Nova, Thoma Katundi, Mehmet Shkupi, Ali Qorralliu, Fadil Dizdari, Hekuran Troka dhe Lluka Rashkoviç, masakra e 26 shkurtit 1951, na kujton sot se demokracia duhet të mbrohet çdo ditë dhe me çdo sakrificë.

Sepse “një popull që fle në demokraci, rrezikon që një ditë të zgjohet në diktaturë”.
Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës. 🇦🇱

Covid-19/Mbretëresha Elisabeth: Ky virus është si murtaja. Vaksinohuni! 0 10

Mbretëresha ka mbajur një fjalim të rrallë mbi vaksinimin ndaj Covid-19, duke sugjeruar se është egoizëm të mos vaksinohesh. Mbretëresha foli gjatë një komunikimi me video WebEx me përgjegjës të lartë që drejtuan vendosjen e vaksinimit Covid-19 në të gjithë Anglinë, Skocinë, Uellsin dhe Irlandën e Veriut.

Sipas mediave britanike Mbretëresha inkurajoi ata që vështirë se mendojnë për njerëzit e tjerë në vend të vetvetes. 94-vjeçare tha se vaksina që mori muajin e kaluar nuk e dëmtoi aspak dhe e kishte bërë atë të ndihej e mbrojtur. Duke e cilësuar Covidin si një murtajë, ajo tha se ishte e jashtëzakonshme sa shpejt ishte vënë në veprim programi i vaksinimit, duke ndihmuar kaq shumë njerëz.

Një burim mbretëror e krahasoi ndërhyrjen e kësaj jave me fjalimin e mbajtur nga Mbretëresha në fillim të pandemisë në të cilën ajo i nxiti njerëzit të qëndronin në shtëpi dhe foli për nevojën për të punuar së bashku për të mposhtur virusin.

Më shumë se 18 milionë britanikë, një në tre të rritur, kanë marrë të paktën një dozë të vaksinës, 448,962 të tjerë u dhanë dozat e para të mërkurën.