Dashuria shqiptaro-serbe/ 14-vjeçarja nga Serbia e dashuruar me një të mitur nga Tirana, hyn në lojë Interpoli 0 51

Shqiptarët dhe serbët mund të mos merren vesh për shumë gjëra, por gjuhën e dashurisë e njohin mirë të dyja palët.

Një dashuri mes dy të rinjve nga Shqipëria dhe Serbia është bërë objekt kërkimesh nga Interpoli, por jo për shkaqe shtetërore.

Nëna e vajzës serbe kundërshton lidhjen për shkak të moshës së vogël të saj dhe për këtë shkak Interpol Beogradi i kërkon Interpol Tiranës të gjejë të dashuruarën dhe ta kthejë pas në Serbi.

Siç tregon dosja hetimore që vërteton një sërë veprimesh hetimore të kryera nga pala shqiptare, vajza serbe me emrin Sara Janiçijeviç udhëtoi në fund të muajit gusht drejt Shqipërisë së bashku me prindërit jo vetëm për pushimet verore por edhe për të takuar motrën, edhe ajo e martuar me një shqiptar.

Në Tiranë vajza 14 vjeçare u dashurua me një të ri dhe kundërshtoi familjen që të kthehej në vendlindje. Për këtë arsye siç tregojnë shkresat e Interpol Beogradit, e ëma Milica Janiçijeviç u paraqit në policinë lokale në Sabac dhe denoncoi. Pas kërkesës së Interpolit për gjetjen e motrës së vogël, ajo u pyet në polici.

“Më pëlqeu si djalë, fillova të kisha ndjenja për të. Ime më ishte dakord që unë të qëndroja, pasi e njeh mirë familjen e tij duke qenë se motra ime është martuar me vëllain tjetër”, shprehet Sara.

Policia deklaron për Top Channel se 14 vjeçarja është pyetur nëse dikush ka ushtruar dhunë ndaj saj dhe nëse ka kryer marrëdhënie me të dashurin.

“Ne kemi rënë dakord që do të kryejmë marrëdhënie kur të martohemi dhe kur unë të mbush moshën. Tani jetoje në shtëpinë e tij dhe Shqipëria më pëlqen”, tha 14 vjeçarja serbe.

Të ndodhur para refuzimit të Sarës për t’u kthyer tek prindërit, mësohet se si fillim palës serbe do t’i përcillen vetëm dëshmitë e vajzës./T.Ch

Leave a Reply

Your email address will not be published. Required fields are marked *

‘Fëmijët po infektohen në masë nga Covid-19’, mjekja shqiptare PARALAJMËRON prindërit, ja çfarë doli nga testi i 9-vjeçares 0 14

Kohët e fundit ka pasur një rritje të numrit të moshave të reja, të infektuar me koronavirus.

Po ashtu, është ngritur alarmi për shtimin e numrit të fëmijëve të shtruar te Pediatria në QSUT, të cilat janë infektuar me Covid-19.

Mjekja Lida Shosha ka bërë thirrje që të tregohet mjaft kujdes edhe ndaj fëmijëve, pasi janë po aq të rrezikuar nga virusi sa të rriturit.

Përmes një postimi në rrjetet sociale, ajo ka publikuar rezultatin e testit serologjik të një 9-vjeçareje, e cila edhe pse ka pasur mjaft anti-trupa për shkak të infektimit të parë, është riifektuar me koronavirus.

Postimi i plotë

Femijet po infektohen ne masë. Kujdes!!! Femijet infektohen dhe transmetojne covidin. Mbroni jeten e femijeve tuaj. Ndonese mund te kene antikorpe te bollshme, pasi mund ta kene kaluar pa u ndjere mund te ri-infektohen perseri.

Merni ne konsiderate Covidin vec gripit stinor. Bejini tampon femijeve. Ne te njejten dite, serologjia 178.4 {numer shume i larte antikorpesh, qe normalisht duhet te mbronin nga nje ri- infektim) të fëmijës.

Tamponi +++ , ne te njejten dite, konfirmon kliniken e #riinfektimit nga Covid, me temperature te larte, kolle, lodhje te femijes dhe alterim te ndjeshem te PCR, sedimentit, leukociteve, D-Dimerit.

//NewsBomb

70-vite nga pushkatimi pa gjyq të 22 intelektualëve, Meta me mesazh të fortë: Më 25 prill triumfi i demokracisë dhe votës së lirë 0 12

Presidenti Ilir Meta ka reaguar përmes një postimi në facebook lidhur me 70-vjetorin e pushkatimit pa gjyq të 22 intelektualëve, të ekzekutuar me akuzën e stisur të hedhjes së një bombe në ish-Legatën Sovjetike në Tiranë. Ndërsa e konsideron ngjarjen një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Meta ndër të tjera Meta se “një popull që fle në demokraci, rrezikon që një ditë të zgjohet në diktaturë”.

“Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës.”- shkruan Meta, në postimin e tij.

Postimi i plotë:
Me akuzën e stisur të hedhjes së një bombe në ish-Legatën Sovjetike në Tiranë, sot mbushen 70 vjet nga dita kur 22 intelektualë të shquar, qytetarë të pafajshëm, të ndershëm dhe atdhetarë, të lidhur tok me tela me gjëmba, u ekzekutuan barbarisht me pushkatim, pa gjyq.

Kjo masakër e llahtarshme, e kryer brenda një nate, simbol i terrorit ndaj mendimit ndryshe, është një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Duke nderuar kujtimin e viktimave të pafajshme Sabiha Kasimati, Tefik Shehu, Pjetër Guraziu, Jonuz Kaceli, Anton Delhysa, Haki Kodra, Gafur Jegeni, Myftar Jegeni, Manush Peshkëpia, Reiz Selfo, Qemal Kasaruho, Zyhdi Herri, Gjon Temali, Petro Konomi, Niko Lezo, Pandeli Nova, Thoma Katundi, Mehmet Shkupi, Ali Qorralliu, Fadil Dizdari, Hekuran Troka dhe Lluka Rashkoviç, masakra e 26 shkurtit 1951, na kujton sot se demokracia duhet të mbrohet çdo ditë dhe me çdo sakrificë.

Sepse “një popull që fle në demokraci, rrezikon që një ditë të zgjohet në diktaturë”.
Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës. 🇦🇱