COVID-19, Britania e Madhe kapërcen 50 000 të vdekur nga virusi 0 42

Britania e Madhe, vendi i goditur më rëndë në Europë nga pandemia e COVID-19, kapërceu sot pragun e 50 000 të vdekurve nga virusi, sipas raportit të autoriteteve shëndetësore.

Vendi regjistroi 595 vdekje shtesë, duke e çuar numrin e përgjithshëm të të vdekurve në 50 365.

Një shifër kaq e lartë vdekjesh ditore nuk raportohej që nga 6 maji, kur u regjistruan 612 vdekje.

“Çdo vdekje është një tragjedi”, tha kryeministri Boris Johnson në një fjalim në televizion.

“Pavarësisht shpresës për një vaksinë së shpejti, ne ende nuk jemi jashtë rrezikut”, vazhdoi ai, duke u bërë thirrje britanikëve të vazhdojnë të ndjekin rregullat e synuara për të luftuar kundër përhapjes së virusit.

Përballë valës së dytë të COVID-19, qeveria britanike ka vendosur një bllokim të ri në Angli për një muaj, i cili pritet të përfundojë më 2 dhjetor./balkanweb

Leave a Reply

Your email address will not be published. Required fields are marked *

“Vlora e rrugëve pa rrugë”/ Luan Rama publikon videon: Ky është realiteti skandaloz! 0 4

Drejtuesi politik i Lëvizjes Socialiste për Integrim në Vlorë, Laun Rama, ka ngritur problematikën e rrugëve në qytetin bregdetar. Përmes një video në rrjete sociale, Luan Rama, ilustron disa segmente rrugore të amortizuara.

Ai e titullon videon “Vlora e rrugëve pa rrugë!”, ndërkohë që shkruan se ky është realiteti skandaloz në këtë qytet.

Postimi i plotë i Luan Ramës:

Pas fasadës:

VLORA E RRUGËVE PA RRUGË !

Kontrasti i trishtë i të vërtetave në Vlorën e gjendur mes propagandës gebëlsiane të qeverisë nga njëra anë dhe realitetit skandaloz që është çdo ditë në sytë e qytetarëve në anën tjetër…

 

 

 

14 orë në mes të oqeanit Paqësor, ja si arriti të shpëtojë 52-vjeçari 0 8

Një marinar ka mundur të mbijetojë për plot 14 orë në mes të Oqeanit Paqësor. Vidam Perevertilov, ka qëndruar për orë të tëra në ujë pasi ra nga anija e mallrave me të cilën po udhëtonte.

52-vjeçari nuk kishte veshur xhaketë shpëtimi, por ka notuar disa kilometra për t’u mbajtur tek një produkt plastik, e në këtë mënyrë të shpëtonte jetën.

“Ai dukej rreth 20 vite më i vjetër. Ishte shumë i lodhur por gjallë, u shpreh djali i tij për një media vendase.

Perevertilov është inxhinier në një anije lituaneze, e cila kishte ateruar në portin Taurgana në Zelandën e Re për t’u furnizuar me ushqime. Sipas djalit të tij, pas orësh të tëra në dhomat e motorit, burri kishte vendosur të dilte në kuvertë dhe të qetësohej, por më pas, rastësisht kishte rënë në det.

Askush nuk mësoi për zhdukjen e tij në ato momente, pasi ishte mjaft herët dhe pjesa më e madhe e ekuipazhit ishte në gjumë. Shpëtimi i 52-vjeçarit u bë i mundur nga një anije pasagjerësh, që u shfaq rastësisht në vendin ku ai po qëndronte prej 14 orësh.