Çfarë ndodh në trupin tuaj kur konsumoni qumësht bajame? 0 22

Qumështi i bajames është një nga alternativat më të njohura të qumështit me bazë bimore. Me një shije të ëmbël dhe të lehtë, ai i jep një mundësi personave që duan të bien nga pesha apo ata që vuajnë nga intoleranca ndaj laktozës.

Por, sa ia vlen qumështi i bajames? Dhe çfarë ndodh në të vërtetë në trupin tuaj pasi konsumoni qumësht bajame?

AgroWeb.org bazuar në fjalën e dietologëve, ju njeh më poshtë me anët pozitive dhe negative të këtij produkti.

Do T’ju Marrë Uria Më Shpejt
Edhe pse bajamet janë një burim i mirë i proteinave, kalorive, karbohidrateve dhe yndyrnave, gjatë përpunimit shumë prej tyre humbasin.

Qumështi i bajames është afërsisht 98% ujë dhe përmban shumë pak lëndë ushqyese. Mungesa e lëndëve ushqyese mund të bëjë që t’ju marrë uria më shpejt.

Për këtë arsye, dietologët rekomandojnë shtimin e një burimi tjetër të proteinave dhe yndyrnave gjatë vaktit tuaj.

Nuk përmban laktozë
Qumëshi i bajames nuk përmban laktozë dhe kjo mund të jetë një alternativë e mirë për ata që kanë intolerancë ndaj laktozës.

Njerëzit me intolerancë ndaj laktozës shpesh kanë probleme gastrointestinale, si fryrja e barkut dhe diarreja. Kalimi tek qumështi i bajames mund të ndihmojë.

Do Të Merrni Më Shumë Vitamina.
Qumështi i bajames në dyqanet ushqimore është i pasuruar me vitamina të nevojshme si vitamina D dhe kalciumi.

Nëse po planifikoni të bëni qumësht bajame në shtëpi, AgroWeb.org ju këshillon të kini kujdes sepse do t’ju duhet të gjeni mënyra të tjera për të marrë mjaftueshëm vitamina.

Mund Të Konsumoni Më Shumë Sheqer Nga Sa Mendoni.
Bajamet përmbajnë pak sheqer, por jo qumështi i tyre.

Shumë varietete të qumështit të bajameve të blera në dyqan përmbajnë sheqerna të shtuara, të fshehura.

Mënyra më e mirë për t’i shmangur është të zgjidhni varietete të pa ëmbëlsuara dhe pa aromë.

Leave a Reply

Your email address will not be published. Required fields are marked *

Sot keni një arsye më shumë për të lënë cigaren 0 31

Është Dita e Tokës. Prej vitesh, organizatat për mbrojtjen e planetit bëjnë thirrje të ndalojmë çdo veprimtari që po ndikon negativisht tek mjedisi, siç është përshembull krijimi i mbetjeve apo ngarja e makinave që prodhojnë tym. E ndërsa po ndërmerren masa të rëndësishme ligjore sa i takon makinave për t’i zëvendësuar me ato elektrike, nuk mund të themi se po ndodh e njëjta gjë edhe me cigaret, djegia e të cilave gjithashtu prodhon tym të dëmshëm jo vetëm për ne, por edhe për ambientin.

Tymi i çliruar gjatë djegies së duhanit është gjithashtu faktor i ndotjes së ajrit dhe gjithashtu ndikon në përkeqësimin e asaj që të gjithë e njohim tanimë, “vrima e Ozonit”. Sigurisht, këtu nuk mund të lëmë pa përmendur edhe ndikimin që ka në ambientin ku ne rrimë dhe sa i rrëzikshëm është tymi i duhanit edhe për të afërmit tanë, fëmijët, apo të moshuarit. Njësoj si duhanpirësi, edhe duhanpirësit pasivë janë të ekspozuar ndaj 7 mijë kimikateve të cilat çlirohen me tymin sa herë dikush në dhomë ndez një cigare. Nuk ka arsye për të vazhduar cigaren.

Ndikimi i baktereve te shëndeti i trurit – Ushqimet që ju duhen 0 17

Në trupin e njeriut mund të numërohen deri në 30 trilion qeliza dhe plot 40 milion baktere.

Këto shifra janë tregues i mjaftueshëm se kush e ka kontrollin e organizmit.

Sipas ekspertëve është pikërisht ushqimi ai që përcakton nëse bakteret bëhen armiqësore ndaj organizmit ose jo.

Studimet shkencore kanë nënvizuar prej kohësh lidhjen e fortë mes stomakut dhe trurit.

Gjetjet e shumë studimeve janë të mrekullueshme por edhe interesante, sidomos në lidhje me ‘të drejtën e fjalës’ që kanë bakteret në mbarëvajtjen e shëndetit.

Bakteret Dhe Truri
Bakteret e lartpërmendura kanë strehën e tyre në sistemin tretës.

Por shkencëtarët besojnë se bakteret munden të komunikojnë dhe të tjetërsojnë funksionet e trurit.

Problemet mendore siç janë depresioni, ankthi apo autizmi mendohet të kenë lidhje me florën bakteriale.

Për shembull, në disa studime është vërejtur se shumica e njerëzve të diagnostikuar me autizëm, vuanin edhe nga probleme gastrointestinale.

Shkencëtarët kanë zbuluar se në këto raste, pacientët kanë sasi më të pakëta të bakterit Bacteroides fragilis.

Bakteret Diktojnë Atë Që Hamë
Flora bakteriale ka të drejtën e fjalës jo vetëm në atë që ndiejmë por dikton edhe atë që hamë.

Sipas shkencëtarëve, në sistemin tretës të njeriut ka luftë çdo ditë.

Bakteret luftojnë njëri tjetrin për më shumë hapësirë dhe për mbijetesë.

Lloje të ndryshme bakteresh kanë nevojë për një arsenal të pasur për të fituar.

Arsenali në fjalë gjendet tek ushqimi.

Disa lloje bakteresh lulezojnë vetëm falë disa substancave që mund të jetë fibra ose sheqeri.

Ushqimet që konsumon njeriu ndihmojnë ose jo në lulëzimin e baktereve të mira dhe të këqija.

Për shembull, nëse ju konsumoni ushqime të pashëndetshme, bakteret që ushqehen me to do të kenë më shumë influencë në sistemin tretës dhe do të marrin kontrolin.

Këto baktere do t’ju bëjnë të dëshironi më shumë ushqime të shpejta e të pashëndetshme dhe nëse nuk ua plotësoni dëshirën, ato do të lëshojnë toksina.

Kjo është arsyeja që nëse një njeri heq dorë nga sheqeri, do të përballet me simptoma të lodhshme për organizmin.

Njeriu Kundër Baktereve
Nëse dëshironi të përmirësoni mikrobiomën në organizmin tuaj duhet të bëni disa hapa të rëndësishëm.

Hani Më Shumë Ushqime Me Probiotikë.
Prebiotikët synojnë të ofrojnë një larmishmëri bakteresh të shëndetshme në organizëm.

Duke ngrënë më shumë shparg, hudhër, karrota e domate do të përmirësoni ndjeshëm sistemin tretës.

Kujdes Me Antibiotikët
Antibiotikët dhe kontraceptivët shkatërrojnë bakteret e mira dhe ato të këqija dhe hapin rrugën për mikrobe të rrezikshme.

Antibiotikët duhen përdorur vetëm në raste urgjente.

Kujdes Me Alkolin
Alkoli i shkatërron bakteret dhe lëndon sistemin tretës dhe duhet pirë në sasi të moderuara.

Më Shumë Turshi
Nëse dëshironi të keni një florë të mirë bakterale konsumoni më shumë ushqime të fermentuara siç është lakra turshi e pasur me baktere të mira për shëndetin./AgroWeb.org