Çdo 33 sekonda humb jetën një njeri, 2020-a viti më vdekjeprurës në historinë e SHBA! 0 25

Ky vit është më vdekjeprurësi në historinë e SHBA me vdekjet e përgjithshme që pritet të arrijnë në 3 milion për herë të parë, pasi viktimat e COVID-19 vazhdojnë të rriten me ritme rekord, çdo 33 sekonda humb jetën një njeri.

Numrat paraprakë nga, bazuar në të dhënat javore, sugjerojnë që SHBA është drejt shifrës 3.2 milion vdekje totale këtë vit.

Më shumë se 2.9 milion kanë vdekur tashmë nga të gjitha shkaqet në SHBA këtë vit, tregojnë të dhënat paraprake.

Vdekjet zakonisht rriten me rreth 20,000 deri 50,000 çdo vit, kryesisht për shkak të plakjes dhe rritjes së popullsisë së kombit.

Numri i të vdekurve për vitin 2020 potencialisht mund të shkojë edhe më i lartë pasi të llogariten të gjitha viktimat nga ky muaj./iconstyle

Leave a Reply

Your email address will not be published. Required fields are marked *

Tjetër tërmet me magnitudë 4.2 godet Turqinë, ja ku ishte epiqendra 0 9

Një tërmet me magnitudë 4,2 të shkallës rihter ka goditur provincën perëndimore Denizli të Turqisë. Ky fakt u bë i ditur nga agjencia për menaxhimin e katastrofave.

Mësohet se epiqendra e tërmetit ishte në rrethin Acıpayam.

Kujtojmë se në muaj tetor të vitit që lamë pas Turqia u godit nga një tërmet i fuqishëm me magnitudë 6.6 ballë, në Izmir, ku 115 persona ndërruan jetë.

Trump heq kufizimet për fluturimet nga zona Schengen, Irlanda dhe Britania e Madhe, Biden kundër: Nuk është koha 0 7

Dy ditë para inaugurimit të demokratit Joe Biden si presidenti i 46-të i Shteteve të Bashkuara, Presidenti në largim Donald Trump ka vendosur të heqë ndalimin e hyrjes për udhëtarët nga Zona Shengen, Irlanda, si dhe Mbretëria e Bashkuar, e vendosur në pranverë vitin e kaluar.

Vendimi është njoftuar nga Shtëpia e Bardhë, e cila shpjegon se Presidenti Trump ka nënshkruar një deklaratë të re duke hequr kufizimet e hyrjes për udhëtarët që vijnë nga 28 vendet e Evropës.

“Duke kuptuar që natyra e kërcënimit të paraqitur nga COVID‑19 do të evoluonte me kalimin e kohës, unë drejtova Sekretarin e Shëndetësisë dhe Shërbimet Njerëzore të më bënin rekomandime në lidhje me vazhdimin, modifikimin ose ndërprerjen e kufizimeve që unë kisha vendosur më parë”, thekson Presidenti Trump në shpalljen e botuar në faqen zyrtare të Shtëpisë së Bardhë.

Deklarata shpjegon më tej se më 12 janar 2021, Qendrat për Kontrollin dhe Parandalimin e Sëmundjeve (CDC) lëshuan një urdhër, duke detyruar të gjithë udhëtarët që mbërrinin në SHBA nëpërmjet linjave ajrore të paraqisnin prova të testit negativ COVID-19 ose prova se ishin shëruar nga COVID- 19, duke filluar nga 26 janari.

 

 

Sipas Trump, Sekretari i Shëndetësisë dhe Shërbimeve Njerëzore i ka shpjeguar atij se kërkesa për rezultate negative të testit COVID-19 dhe prova e infektimit në të kaluarën do të parandalojë ardhjen e pasagjerëve të prekur nëpërmjet rrugëve ajore në Shtetet e Bashkuara.

“Nisur nga kjo, Sekretari më ka këshilluar që të heq kufizimet e zbatueshme për Zonën Shengen, Mbretërinë e Bashkuar, Republikën e Irlandës dhe Republikën Federale të Brazilit, ndërsa ka lënë në vend kufizimet e zbatueshme për Republikën Popullore të Kinës dhe Republikën Islamike të Iranit”, vëren Trump, duke theksuar më tej se ai ka vendosur të zbatojë këshillat e Sekretarit dhe të heqë ndalimin e hyrjes për udhëtarët nga Zona Shengen, Irlanda dhe Mbretëria e Bashkuar, duke qenë se ata janë në përputhje me kërkesat e hyrjes.

Duke u kthyer më 11 Mars, Donald Trump nënshkroi një shpallje që ndalon udhëtarët nga 26 shtetet anëtare të Zonës Shengen të hyjnë në territorin e Shteteve të Bashkuara, pasi Organizata Botërore e Shëndetësisë zyrtarisht e quajti COVID-19 një pandemi.

Menjëherë më pas, në mes të numrit në rritje të rasteve me COVID-19, Presidenti Trump nënshkroi një tjetër shpallje, duke kufizuar hyrjen në SHBA për udhëtarët nga Mbretëria e Bashkuar dhe Irlanda.

Në atë kohë, ndalimet e udhëtimit u kritikuan nga shumë, duke përfshirë zyrtarë të BE-së, të cilët më vonë mbyllën kufijtë e jashtëm të Zonës Shengen, duke ndaluar kështu hyrjen e udhëtarëve amerikanë dhe të gjithë udhëtarëve të vendeve të treta në BE dhe territorin Shengen.

Pas njoftimit, Jen Psaki, sekretari për shtyp i Shtëpisë së Bardhë për Presidentin e zgjedhur Joe Biden, tha se tani nuk është koha për të hequr kufizimet në udhëtimet ndërkombëtare, duke përmendur përkeqësimin e pandemisë dhe variantet më ngjitëse të virusit.

“Me këshillën e ekipit tonë mjekësor, Administrata nuk ka ndërmend të heqë këto kufizime në 26 janar. Në fakt, ne planifikojmë të forcojmë masat e shëndetit publik rreth udhëtimeve ndërkombëtare në mënyrë që të zbusim më tej përhapjen e COVID-19”, shkroi Psaki në “Twitter”.

 

 

 

 

 

 

 

 

(BalkanWeb)