Basha-Ramës: Mbylle PS në një vendgrumbullim plehrash 0 45

ryeministri, Edi Rama ka vijuar replikën në distancë me kryetarin e PD, Lulzim Basha për çështjen e inceneratorëve.

Rama shkruan në rrjetet sociale se sa më shumë kryedemokrati sulmon impiantet moderne të mbetjeve, aq më shumë tregon se nuk ndahet dot nga malet me plehra të Sali Hajdinit.

Më tej, kryeministri shkruan; “ta qaj hallin, je mes gropës së tij dhe grepit të Likes për tiganin e Monës”.

“Ah Lul, të ka mbet ora tek Gropa e Hajdin Saliut, po habitem si s’e kupton që sa më shumë sulmon impiantet moderne të mbetjeve, aq më shumë tregon se nuk ndahesh dot nga malet me plehra të Sali Hajdinit! Ta qaj hallin, je mes gropës së tij dhe grepit të Likes për tiganin e Monës!”-shkruan Rama.

Ndërkohë e menjëhershme ka qenë përgjigjja e Bashës i cili teksa i referohet takimit të djeshëm të PS në Elbasan i drejtohet Ramës duke i thënë se mbylli PS në një vendgrumbullimi plehrash. Lideri i opozitës e përfundon reagimin e tij duke thënë se ora e gjykimit po afron.

“Kur për të mbrojtur korrupsionin tënd, mbyll PS në një vendgrumbullim plehrash, kuptohet se e ke një hall të madh. Por halli yt nuk ka asgjë të përbashkët me hallet e Shqipërisë. Në gropën e zezë ku je futur nuk do ta marrësh dot Shqipërinë me vete. Ora e gjykimit po afron!”-shkruan Basha./ Opinion.al

Leave a Reply

Your email address will not be published. Required fields are marked *

Rama uron forcat politike në Kosovë dhe VV si fituese ‘të qartë’ 0 17

 

Kryeministri Edi Rama ka përshëndetur të gjitha forcat politike në Kosovë dhe Lëvizjen Vetëvendosje si fituese të zgjedhjeve parlamentare të mbajtura më 14 shkurt në Kosovë.

Në një postim në “Twitter”, kreu i qeverisë shqiptare uron që vullneti i popullit të Kosovës të mishërohet në një kapitull të ri për vendin.

“Përshëndetje të gjitha forcave politike në Kosovë dhe posaçërisht fituesve të qartë të zgjedhjeve, LVV, me urimin që vullneti i popullit të Kosovës të mishërohet në një kapitull të ri për Kosovën, me qeveri të qëndrueshme, dialog konstruktiv ndërpartiak, zhvillim ekonomik&social🇽🇰”, shkruan Rama.

Rama Tw 

 

 

 

 

 

Përfundon numërimi i fletëvotimeve në të gjitha vendvotimet në Kosovë 0 31

Ka përfunduar numërimi i fletëvotimeve nga të gjitha vendvotimet në Kosovë. Zëdhënësi i KQZ, Valmir Elezi deklaroi se pritet që të procesohen edhe rreth 1% e të dhënave në faqen zyrtare të Komisionit Qendror të Zgjedhje (KQZ).

Në faqen e KQZ-së janë të publikuara momentalisht statistikat e numërimit të 98,84% për qind të votave. Lëvizja Vetëvendosje prin e para me 47,96% të votave.

Ndërkohë në Qendrën e Numërimit dhe Rezultateve(QNK) po vazhdon të pranohet materiali i ndjeshëm zgjedhor që është përdorur dje gjatë ditës së zgjedhjeve.

“Në Qendrën e Numërimit dhe Rezultateve po vazhdojmë të pranojmë materialin e ndjeshëm zgjedhor i cili gjatë ditës së zgjedhjeve ka qenë i shpërndarë në të gjitha vendvotimet në Republikën e Kosovës. Më lejoni gjithashtu t’ju njoftoj se numërimi i fletëvotimeve nga vendvotimet ka përfunduar të dielën në mbrëmje dhe në web faqen e KQZ-së janë procesuar të dhënat e pothuajse 99% të vendvotimeve, kanë mbetur disa vendvotime numër i vogël rreth 40 prej tyre të dhënat e të cilave do të përditësohen do të ngarkohen në web faqe gjatë ditës së sotme”, tha Elezi.

Ndërkohë në pritje për numërim mbesin votat me kusht dhe ato me postë. Nga zgjedhjet e djeshme, me numërimet e deritanishme parti fituese ka dalë Lëvizja Vetëvendosje.

foto galeri

foto galeri

Ndërkaq, pas shpalljes së rezultateve preliminare, Albin Kurti nga LVV tha se u vërtetua se zgjedhjet ishin një referendum për drejtësi. Ai theksoi se qeveria e ardhshme nuk do të hakmerret ndaj askujt, por do të kërkojnë përgjegjësi dhe drejtësi kudo. Nga ana tjetër Enver Hoxhaj nga PDK tha se rezultati është mesazh i qartë për PDK-në dhe se ata e kanë pranuar si të tillë. “Ne përgëzojmë LVV për rezultatin e arritur…Natyrisht PDK nuk do të jetë pjesë e qeverisjes me Vetëvendosjen pasi kemi dallim të madh në orientimet politike. Jemi shumë larg në orientimet politike dhe nuk bëjmë kompromis me vlerat që ka ndërtuar dhe qëndron PDK”, -tha ai. Reagimeve iu bashkua dhe Isa Mustafa, i cili pasi pranoi rezultatin pohoi se në ditët në vijim kjo parti do të bëjë analizë më të detajuar.

Këto zgjedhje janë të parakohshme në Kosovë, pasi Gjykata Kushtetuese rrëzoi qeverinë Hoti në dhjetor. Edhe vitin e kaluar Vetëvendosje ishte në qeveri për vetëm disa muaj pasi koalicioni me LDK u prish. Tashmë Vetëvendosje synon që ta marrë e vetme qeverinë teksa në paktin parazgjedhor është lënë që kryeministër të jetë Albin Kurti e Presidente Vjosa Osmani.

foto galeri