Basha nuk tërhiqet, i përgjigjet ‘dhëmbë për dhëmbë’ Ramës: Jo mjekët, por ti ke fshehur numrin e viktimave nga Covid-19, prano hetim të plotë 0 16

Kryetari i PD-së Lulzim Basha ka dalë në një komunikim direkt për mediat pas deklaratës së Ramës, në lidhje me akuzat se po fshihen viktimat e covid-19 në vendin tonë.

Basha shihet se nuk është tërhequr nga akuza e tij e parë, përkundrazi ai e përforcon atë. Kryedemokrati thotë se qeveria dhe jo mjekët, kanë fshehur dhe manipuluar numrin e jetëve të humbura nga virusi.

Sipas Bashës Rama duhet të pranojë hetim të plotë të informacioneve që ai bëri publike për herë të parë në “opinion” të enjten.

“Shqiptarët prisnin sot përgjigje. Por Rama gënjen dhe do t’i ikë përgjegjësisë. Ka gënjyer për numrat e viktimave. Nuk janë vetëm shifra, por qytetarë, nëna e baballarë. Pasi i ka braktisur infermierët, ai po i keqpërdor ata. Mashtrimi me shfrat zyrtare është përgjegjësi e Ramës jo e mjekëve që po sakrifikojnë gjithçka në këtë kohë. Ka braktisur familjet e qytetarët për të cilët nuk jep asnjë ndihmë. Rama po shpërfill vuajtjet e shqiptarëve që kanë nevojë për ndihmë. Njerëzit po vdesin çdo ditë, spitalet po kolapsohen, biznesi po falimenton. Në vend që të ndihmojë qytetrarët dhe të përballet me të vërtetën, vazhdon avazin me sulmet politike. Nëse s’ke asgjë për të fshehur, prano hetim të plotë, të të gjithë informacioneve që jo mjeekët, por t’i ke fshehur në lidhje me viktimat e covid-19. Boll u fshehe! Jepu të vërtetat qytetarëve të shqipërisë”./newsbomb

Leave a Reply

Your email address will not be published. Required fields are marked *

0 4

Komisioni i Jashtëm i Parlamentit Europian ka publikuar një draft raport mbi zhvillimet në Shqipëri.Në këtë draft raport nxiten liderët politikë në Shqipëri të krijojnë një klimë besimi.

“Theksohet nevoja për përmirësim të klimës të funksionimit të shoqërisë civile dhe nxit autoritetet të garantojnë konsultim të duhur dhe gjithëpërfshirës dhe të rrisë qëndrueshmërimë financiare të sektorit jo qeveritar”.

Në të theksohet se zgjedhjet e 25 prillit 2021 do të jenë thelbësore. “Me rëndësi mbetet zbatimi i masave të reformës zgjedhore”,- theksohet në draft raport.

Drafti do t’i nënshtrohet debatit në Komisioinin e Jashtëm dhe në mars 2021 parashikohet të votohet në plenare.

A. Shqipëria ka vazhduar të bëjë përpjekje të vazhdueshme në rrugën e saj drejt BE-së, duke përmbushur kushtet për mbajtjen e konferencës së parë ndërqeveritare;
B. Duhet pasur parasysh se vendi duhet të vazhdojë të bëjë përparim në konsolidimin e institucioneve dhe procedurave demokratike, në sigurimin e funksionimit të duhur të institucioneve të tij gjyqësore dhe në mbrojtjen e lirisë së medias dhe të drejtave të pakicave;
C. Duhet pasur parasysh se përpjekjet e vazhdueshme për reformat kryesore kërkojnë angazhimin e përbashkët të të gjithë aktorëve;
D. ndërsa Komisioni paraqiti një draft kornizë negociuese në 1 Korrik 2020;
1. Mirëpresim orientimin dhe angazhimin e qartë strategjik të Shqipërisë për integrimin evropian, që manifestohen në marrëdhëniet e fqinjësisë së mirë dhe zbatimin e vazhdueshëm të reformave të lidhura me anëtarësimin;
2. Mbështesim thirrjen e konferencës së parë ndërqeveritare pa vonesa të mëtejshme, pas miratimit të kornizës negociuese nga Këshilli;
3. Kujtojmë se progresi në anëtarësim sipas metodologjisë së rishikuar të zgjerimit varet nga reforma të qëndrueshme, të thella dhe të pakthyeshme në të gjitha fushat themelore, në veçanti nga sundimi i ligjit dhe lufta kundër korrupsionit;
4. Nxisim autoritetet të shtojnë përpjekjet e tyre për të forcuar dialogun politik dhe funksionimin e institucioneve demokratike të vendit, duke përmirësuar klimën për pluralizmin e mediave dhe shoqërinë civile/BW

I hoqi statusin e magjistrates, ish-anëtarja e Gjykatës së Lartë padi kundër KLGJ, çfarë pritet në procesin për Kushtetuesen 0 2

Evelina Qirjako, ish-anëtare e Gjykatës së Lartë ka depozituar një padi kundër KLGJ-së i cili i ka hequr statusin e magjistrates duke e penguar zonjën Qirjako të rifutet në sistemi ne drejtësisë për 15 vitet e ardhshme. Zonja Qirjako dhe disa anëtarë të Gjykatës së Lartë tre vite më parë dorëzuan detyrën në momentin që iu përfundoi mandati sipas ligjit. Zonja Qirjako dhe anëtarët e tjerë deklaruan se nuk mund të vijonin të qëndronin në detyrën e anëtarit të Gjykatës së Lartë sepse ligji nuk ua lejonte një gjë të tillë. Dhe për këtë arsye ata pasi dorëzuan pranë ILDKPI-së formularët e deklarimit të pasurisë u larguan nga detyra.

Përgjatë kësaj kohe për shkak të largimit të tyre sepse ata e konsiderojnë largim dhe jo dorëheqje, KPK vendosi të marrë në shqyrtim këtë çështje dhe të përfundojë statusin e magjistratit duke i nxjerrë jashtë sistemit zonjën Qirjako dhe 4 anëtarët e Gjykatës Supreme. Ky vendim i KPK-së u ankimua nga zonja Qirjako në KPA dhe në datën 7 dhjetor pritet të merret në shqyrtim ankesa e saj, por nga ana tjetër KLGJ gjatë kësaj kohe vendosi t’i heqë statusin e magjistrates përderisa zonja Qirjako nuk ushtroi të drejtën për t’u emëruar gjykatëse në Apel sikurse parashikon ligji. Në padinë e paraqitur përpara Apelit Administrativ Qirjako pretendon se fakti që nuk ka ushtruar të drejtën për t’u emëruar gjykatëse në Apel nuk mund të përbëjë shkak për përjashtimin e saj nga sistemi gjyqësor.

Ajo deklaron se është e hapur në një moment të dytë të përballet me procesin e vettingut, por nëse ka dëshirë mund të rikthehet në sistemin e drejtësisë. Pikërisht këtë debat, kryesisht juridik, me argumente në një proces që do të vendosë edhe për fatin e anëtarëve të tjerë të Gjykatës së Lartë do të zhvillohet sot në Apelin Administrativ, nëse ndonjëri nga gjyqtarët nuk është i prekur me COVID-19 sikurse ka ndodhur edhe në procese të tjera. Kjo vendimmarrje në Apelin Administrativ do të përcaktojë edhe fatin e ankimimit të Evelina Qirjakos në KPA, ku ajo kundërshton vendimin e KPK-së që e ka përjashtuar për 15 vite nga sistemi i drejtësisë. Ajo pretendon se nuk mund të penalizohet për shkak se ka dorëzuar detyrën ashtu sikurse parashikon Kushtetuta dhe ligji dhe do duhet t’i lihet hapësirë për t’u rikthyer në sistem, sigurisht duke iu nënshtruar procesit të vettingut.

Mbrëmjen e kaluar Gjykata e Apelit Administrativ rrëzoi padinë e Eugen Papandiles i cili u skualifikua nga gara për Gjykatën Kushtetuese.
Ai padit KED dhe kërkonte rikthimin në garë duke arsyetuar se ishte skualifikuar padrejtësisht. Papandile vinte dy herë në Apelin Administrativ. Së pari pasi KED e përjashtoi nga gara me argumentin se nuk kishte vjetërsi në punë dhe Apeli Administrativ e rrëzoi këtë argument. Më pas ai u përjashtua nga gara me arsyetimin se kishte probleme me figurën. Pavarësisht apelimit, Apeli e rrëzoi kërkesën e Papandiles dhe KED mund të vijojë me dy kandidaturat. Pavarësisht vendimmarrjes e mbrëmjes së kaluar duket se gjërat me KED-në për të vijuar procedurat me kandidatët për anëtarë të Gjykatës Kushtetuese komplikohen disi sepse vetëm pak minuta më parë Apeli Administrativ ka marrë një tjetër padi nga kandidatja e skualifikuar Zhaklina Peto e cila gjithashtu kundërshton vendimin e KED-së.

 

Ora 16:00 e ditës së sotme ishte afati i fundit për kandidatët e skualifikuar. Për dy vendet vakante në Gjykatën Kushtetuese, njëri i shpallur nga Presidenti i Republikës dhe tjetri nga Kuvendi KED ka kualifikuar për vendin vakant nga Presidenti kandidatët Altin Binaj dhe Sonila Bejta, ndërkohë për vendin vakant të shpallur nga Kuvendi ka kualifikuar kandidatin Altin Binaj. Sipas ligjit, duhet që për secilin vend vakant të jenë tre kandidatura, megjithatë në mungesë të faktit që nuk ka kandidatë, gjithashtu edhe për faktin se ndërkombëtarët kanë vënë 31 dhjetorin si vijën e kuqe për të përmbyllur dhe për të bërë funksionale Gjykatën Kushtetuese, gjasat janë që organet e emërtesës të pranojnë këto kandidatura. Kjo padi e Zhklina Petos e vonon edhe më shumë procesin.

Sipas ligjit, Apeli Administrativ ka 7 ditë në dispozicion. Nëse padia e zonjës Peto pranohet, KED është e detyruar sipas ligjit të rimblidhet dhe ta shqyrtojë vendimin e Apelit Administrativ. Nëse kjo padi rrëzohet atëherë KED duhet të përmbyllë procesin formal të pikëzimit të kandidatëve, për sa kohë që ka dy kandidatë në garë nuk ka çfarë të pikëzohet por është një procedurë formale dhe iu dërgon emrat Presidentit dhe Kuvendit të cilët më pas bëjnë dhe përzgjedhjen e emrave dhe dërgimin e tyre në Gjykatën Kushtetuese.
Sa iu përket vakancave të tjera, një tjetër vakancë e shpallur nga ana e Presidentit të Republikës, deri më tani është kualifikuar Aleksandër Toma, ndërkohë që kandidatët e tjerë Shaqir Hasanaj i skualifikuar por edhe Sinan Tafaj kanë paditur KED-në në Apelin Administrativ, por kjo vakancë ka mjaft punë përpara sepse ka dhe kandidatura të tjera të cilat në fakt nuk janë vlerësuar nga KED.

Për dy vendet vakante gjithçka do të varet nga ky vendim i Apelit Administrativ dhe më pas KED është e detyruar të nesërmen të thërrasë mbledhjen dhe të përfundojë procedurat.

 

(BallkanWeb)