“Asgjë nuk ndryshon”, ja reagimi i Turqisë pas fitores së Joe Biden në zgjedhjet amerikane 0 72

Turqia reagoi të dielën për fitoren e zotit Joe Biden me komente asnjanëse. Zëvendës Presidenti Fuat Oktay tha se kjo nuk do t’i ndryshojë marrëdhëniet midis dy aleatëve të vjetër edhe pse Ankaraja do të vazhdojë t’i bëjë presion Uashingtonit për Sirinë dhe për çështje të tjera ku ka diferenca politike.

Turqia mund të humbasë më shumë sesa shumë vende të tjera nga fitorja e zotit Biden, pasi ai pritet të ashpërsojë qëndrimin e SHBA kundër ndërhyrjeve ushtarake jashtë vendit të Presidentit Reccep Tayyip Erdogan dhe forcimit të bashkëpunimit të tij me Rusinë.

Një tjetër pengesë kryesore është refuzimi i Uashingtonit për të ekstraduar klerikun mysliman me banim në SHBA, Fethullah Gulen, të cilin Ankaraja thotë se orkestroi një grusht shteti të dështuar në vitin 2016.

“Asgjë nuk do të ndryshojë për Turqinë,” tha zoti Oktay. “Kanalet e komunikimit do të funksionojnë si më parë, por sigurisht që do të ketë një periudhë tranzicioni,” tha ai, duke shtuar se Ankaraja do të vëzhgojë nga afër qasjen e zotit Biden në politikën e jashtme, shkruan Voa.

Ai tha se Turqia do t’i bënte presion administratës së ardhshme të SHBA që të heqë dorë nga mbështetja për grupet militante kurde në Siri dhe që të ekstradojë Gulenin.

“Ne përjetuam një përpjekje për grusht shteti. Personi që e bëri këtë ndodhet në Shtetet e Bashkuara. Nuk ka asgjë më të natyrshme se sa kërkimi i ekstradimit të tij,” tha zoti Oktay.” Ky është një proces që filloi më herët dhe do të vazhdojë me këtë administratë,” shtoi ai.

Një çështje tjetër që mbetet pa u zgjidhur midis dy aleatëve është blerja nga Turqia e sistemeve ruse të mbrojtjes nga raketat, për të cilat Ankaraja përballet me sanksione nga SHBA. Administrata e Presidentit Trump deri tani ka shmangur vendosjen e sanksioneve. Zoti Oktay tha të dielën se Ankaraja shpresonte që edhe administrata Biden të mos ndërmarrë hapa të njëanshëm. Presidenti Erdogan ende nuk ka komentuar për fitoren e zotit Biden./balkanweb

Leave a Reply

Your email address will not be published. Required fields are marked *

Brenda laboratorit ku dyshohet se shpërtheu pandemia e COVID-19, shihni lakuriqët e natës të gjallë 0 21

Një investigim i bërë nga “Sky News Australia”, doli në përfundimin se në laboratorët e virologjisë në Wuhan, janë përdorur lakuriqë nate.

Kjo media, ka publikuar pamje nga instituti, ku shihet një ekspert, teksa mban mbi kokë një lakuriq nate.

Video në fjalë është publikuar nga Akademia e Shkencave në Kinë në 4 maj të vitit 2017-ë, ku tregohen ambientet e brendshme të laboratorit, por edhe përplasjet që kanë pasur me qeverinë franceze, e cila ishte kundër ndërtimit të saj.

Video tregon më tej, lakuriqë nate që mbahen në kafaze, e shihen gjithashtu persona duke i ushqyer me krimba.

“Në dhomën P4, shihen një larmi speciesh, që me shumë mundësi duhet të jenë përdorur për shpërthimin aksidental të SARS-COV-2”, thotë një ekspert i ftuar në studion e “Sky News”.

Megjithatë OBSH, në kontrollet disa javore që ka bërë në Kinë, ka hedhur poshtë pretendimin se virusi ka dalë nga lakuriqët e natës, duke shtuar, se këto zëra janë më së shumti teori konspirative.

“Është një teori konspirative. Unë, në cilësinë e drejtuesit të ekspertëve të OBSH, them me bindje që nuk kemi konstatuar asnjë gjurmë të gjitarit fluturues në laboratorin e Wuhan-it”, deklaroi para disa kohësh një ekspert i OBSH, Peter Daszak.

A do ndiqen nga SPAK të shpallurit “non grata”?! Arben Kraja i prerë: Hetim deri në fund për çdo informacion që do na vijë nga SHBA, për këdo qoftë! 0 24

Pas kryeprokurorit Olsian Çela, po raporton në Kuvend kreu i Prokurorisë së Posaçme (SPAK), Arben Kraja. Mes të tjerash, Kraja është pyetur nga deputeti Ralf Gjoni se çfarë do të ndodhë me personat e shpallur “non grata” nga SHBA, nëse do të nisë hetimi ndaj tyre.

Në përgjigjen e tij, Arben Kraja deklaroi se cfarëdolloj informacioni apo materiali që të vijë në SPAK nga Shtetet e Bashkuara, do të hetohet dhe do t’i shkohet deri në fund.

Pyetje-përgjigje:
Ralf Gjoni: Para se Donald Lu të ikte nga Shqipëria i kam thënë “Don shqiptarët duan sundim ligji, jo sundim Lu-je”.
Ruci: Nuk është etike që z. Kraja qëndron aty dhe ju kërkoni të bëni pyetje dhe bëni shpjegim. Urdhëron pyetjen.

Gjoni: Shpresa më e madhe e shqiptarëve është që SPAK të fillojë të funksionojë. Kur mendoni se do të vijë kjo ditë, që shqiptarët të keni besim të plotë te SPAK? Kur do fillojnë të procedohen penalisht “peshqit”? A do ketë hetime në 2-3 vitet e ardhshme ndaj përfaqësuesve të krimit, që sot ende bëjnë ligjin? Nga lista e personave “non grata”, Shqipëria është ndër të paktat vende ku këto persona nuk kanë pasur një procedim penal para se të shpalleshin “non grata”, a mund të kemi shpresë çdo veprim “non grata” i SHBA do të ndiqet nga ana juaj?

Arben Kraja: Në lidhje me pyetje e parë, është një proces, do kohën e vet, se kur SPAK do të fillojë të ketë rezultate. Prokuroria e Posaçme duhet të ketë parasysh se ndëshkueshmëria dhe respektimi i të drejtave të njeriut shkojnë paralel. Ne kemi dhënë rezultatet e para, janë goditur grupet e para. Bashkëpunojmë me të gjitha strukturat, me Policinë, por edhe me faktorin ndërkombëtar. Rezultate ka pasur. Pritshmëritë e njerëzve janë nga më të mëdha, ne ndeshemi aty edhe me gjëra që nuk kanë lidhje fare me punën tonë. Por ne jemi të vendosur që çdo rast që do të evidentohet, do ta hetojmë deri në fund, pa asnjë tërheqje.
Ndërsa për pyetjen e dytë, lista është një proces që ndodh në SHBA, ne jemi në Shqipëri dhe kemi parashikimet tona për një procedim penale e si shkohet deri te gjykata. Çdo indicide, apo material që do të kemi ne në dispozicion, në raport me çdo shtetas shqiptar, pa diskutim që jemi të vendosur për ta çuar hetimin deri në fund. Çfarëdo që do të vijë, përfshirë dhe partnerët ndërkombëtar.