Anëtari i 6-të i Gjykatës Kushtetuese/ KED interviston dy kandidatë, sot miratohet raporti me renditjen përfundimtare 0 23

Këshilli i Emërimeve në Drejtësi (KED), zhvilloi dje intervistat me kandidatët për vendin vakant në Gjykatën Kushtetuese, Aleksandër Toma dhe Përparim Kalo.

KED vendosi që sot të miratohet raporti përkatës mbi listën përfundimtare të renditjes, i cili do t’i dërgohet më pas organit të emërtesës, Presidentit të Republikës së Shqipërisë.

Sipas njoftimit për shtyp, “Këshilli i Emërimeve në Drejtësi shpalli fillimin e procedurës së vlerësimit, pikëzimit dhe të renditjes së kandidatëve për vendin vakant në gjykatën Kushtetuese, vakancë e parakohshme, e shpallur nga Presidenti i Republikës”.

“Lidhur me procedurën e ndjekur për vlerësimin, pikëzimin dhe renditjen e kandidatëve, Këshilli i Emërimeve në Drejtësi vendosi përfundimin e procedurës së vlerësimit, pikëzimit dhe renditjes për shkak të tërheqjes nga kandidimi, Altin Binaj, për vendin vakant në Gjykatën Kushtetuese vakancë e parakohshme, e shpallur nga Presidenti i Republikës”, theksoi KED.

 

 

“Kandidatët e tjerë për këtë vend vakant, Aleksandër Toma dhe Përparim Kalo janë paraqitur dje përpara anëtarëve të KED për të zhvilluar intervistën e caktuar në rendin e ditës, duke iu përgjigjur pyetjeve të anëtarëve të këshillit dhe prezantuar platformën e tyre në lidhje më kandidimin për në Gjykatën Kushtetuese”, bëri të ditur KED.

Pas përfundimit të intervistimit të kandidatëve, KED vazhdoi me pikëzimin dhe renditjen e tyre.
“Këshilli i Emërimeve në Drejtësi, pas diskutimeve miratoi vendimin për pikëzimin dhe renditjen e kandidatëve të lejuar për vendin vakant në Gjykatën Kushtetuese vakancë e parakohshme, e shpallur nga Presidenti i Republikës si edhe listën përfundimtare të renditjes”, thuhet në njoftim.

Këshilli i Emërimeve në Drejtësi vendosi të vijojë, ditën e mërkurë, 23 dhjetor, me miratimin e raportit përkatës mbi listën përfundimtare të renditjes, i cili do t’i dërgohet më pas organit të emërtesës, Presidentit të Republikës së Shqipërisë.

Në mbledhjen e djeshme merrnin pjesë anëtarët e KED, Avokati i Popullit, përfaqësuesi i Presidentit të Republikës dhe përfaqësuesi i Kryetarit të Kuvendit.

 

 

(BalkanWeb)

Leave a Reply

Your email address will not be published. Required fields are marked *

Fatjoni e quan ”fëmijë të llastuar”, ja si i kthehet Trejsi Sejdini! [FOTO] 0 6

Fation Kuqari, pas sherrit banal i cili degradoi në të shara e për pak në dhunë fizike me Erin, një nga konkurrentët më të rinj të “Për’puthen”, u largua përfundimisht nga emisioni pa u përputhur me asnjërën prej vajzave.

Ditën e sotme Fationi i ka shkruar Trejsi Sejdinit në “Ask me a question” në Instagram: “O fëmijë i llastuar”.

Modelja ka zgjedhur t’i publikojë emrin Fationit e madje e ka përshëndetur me një video ku në plan të parë vihet re gjoksi dhe i shkruan: “Bebwww pra”.

-640-0-6010162786b92.jpg

Rama zbulon historinë e pazakontë me mashtruesin në Bashkinë Tiranë: Dikush bëri foto me mua dhe hiqej si… 0 9

Teksa foli sot për herë të parë për përgjimet e antimafias italiane për mafian e Ndragheta-s, ku të përfshirë ishin edhe eksponentë të lartë në Shqipëri, kryeministri Edi Rama hodhi poshtë pretendimet që në përgjime janë zyrtarë të lartë të Partisë Socialiste.

Për ta ilustruar bindjen që përgjimet e publikuara në mediat italiane nuk vërtetojnë bashkëpunimin e elementëve të mafies italiane me zyrtarë të bashkisë apo policisë, Rama risolli në kujtesë një histori aspak të zakontë nga koha kur ishte kryetar bashkie.

Ai tha se një mashtrues bëri një foto me të në dalje të ish-Kinema Dajtit dhe me këtë foto kërkonte firmë nga pronarë tokash, me pretendimin që ishte kushëriri i Edi Ramës.

“Kur unë isha kryetar i bashkisë së Tiranës njëri që kishte bërë një fotografi me mua në dalje të ish-Kinema Dajtit, mbas një takimi partie, me atë fotografi me mua shkonte dhe kërkonte nga pronarët e tokës që t’i jepnin firmën se ishte djali i tezes që unë nuk e pata kurrë. Një mashtrues. E ça lidhje ka kjo?!”, tha Rama.

 

 

 

 

 

 

(BalkanWeb)