“Air India” realizon fluturimin e parë me ekuipazh vetëm gra 0 8

Ekuipazhi i parë vetëm gra i “Air India” u ul sot herët në aeroportin e Bengalurusë pasi përfundoi një fluturim ndërkontinental, pa ndërprerje, prej 17 orësh nga San Francisco.

Zoya Aggarwal, Papagari Thanmai, Akansha Sonaware dhe Shivami Manhas, katër komandantet e ngarkuara me fluturimin, u pritën në mbërritje me buqeta me lule.

Papagari Thanmai, duke folur për mediet në emër të të gjithë ekuipazhit, e përshkroi përvojën si emocionuese.

“Shumë udhëtarë donin të fotografoheshin me ne. Të tjerë e kishin rezervuar fluturimin tonë shumë kohë më parw”, tha ajo.

“’Përveç ekuipazhit tërësisht me gra, ata u tërhoqën edhe nga ideja e itinerarit, sipas të cilit pritej të fluturonim mbi Polin e Jugut. Udhëtarët festuan me ne në çastin kur hymë në rajonin polar”, shtoi Thanmai.

Ministri i Aviacionit, Hardeep Singh Puri, e uroi në Twitter ekuipazhin duke shkruar “Ky ekuipazh profesionistesh ka shkruar një faqe të re në historinë e aviacionit tonë civil”.//B.W

Leave a Reply

Your email address will not be published. Required fields are marked *

Koordinatori i LSI në Vorë publikon letrën për MSH: Mjekët dhe infermierët ankohen se u mungojnë dorezat, maskat dhe dezinfektantët 0 5

Koordinatori i LSI, Vojo Bregu ka publikuar një letër të mjekëve dhe infermierëve të Vorës për Ministren e Shëndetësisë.

Në letrën e publikuar nga Bregu, mjekët e infermierët ankohen se nuk kanë dorëza, maska e dezinfektantë.

Ai akuzon qeverinë se mjekët dhe infermierët sot përballen me një sistem të korruptuar që ka lënë pa mjete mbrojtëse vijën e parë, por kjo do të ndryshojë kur të gjithë të flasin hapur.

 

 

 

STATUSI NGA VOJO BREGU

NA MUNGOJNE DOREZAT DHE DEZINFEKTANTET!

Mjekët dhe infermierët e Vorës i shkruajnë letër Ministres së Shëndetësisë.

Një grup mjekësh dhe infermierësh të Qendrës Shëndetësore Vorë i kanë drejtuar nje ankesë Ministrisë së Shëndetësisë për kushtet në punë. Ata shprehen se ju mungojnë mjetet bazike si doreza dhe dezinfektantë.

Shpesh mjekët dhe infermierët akuzohen per apati dhe korrupsion. E vërteta është se ata, si të gjithë, përballen me një sistem të korruptuar i cili jo vetëm i lë pa mjete në vijën e parë të luftës po dhe i injoron totalisht për sa kohë nuk i shërbejnë kasetave propagandistike.

Kjo po ndryshon dhe do ndryshojë kur të gjithë mjekët të marrin guximin dhe të flasin hapur.

Si mjekët dhe infermierët e Vorës.

 

 

 

 

 

 

(BalkanWeb)

Mesazhi i fshehur brenda këngës së re të Selena Gomez 0 2

Fustani me të cilin, këngëtarja u shfaq në videoklipin e këngës “De Una Vez” nuk është thjesht i bukur. Përzgjedhja e veshjes ka disa mesazhe të fshehura.

Selena Gomez publikoi këngën spanjolle në 14 janar.

Fustani me ngjyrë rozë të ëmbël, me printim lulesh dhe zemrën e ndezur në qendër, mbart kuptimin temës së videoklipit spanjoll të Selenës, e bërë për këdo që i “ka thyer zemrën”, të cilën ajo e zbuloi në një intervistë për Vogue.

“Nëse do të zhytesha plotësisht në një projekt të frymëzuar nga kultura latine, do të doja të punoja me krijues vendas që flasin spanjisht,” shpjegoi Selena për revistën.

Pra, këngëtari i “Same Old Love” u kthye në ekipin krijues/ çifti i martuar Tania Verduzco dhe Adrian Perez, të cilët e dinin se si veshja e Selena mund të reflektonte kulturën meksikane të këngëtares dhe aktores. “Ne donim të luanim me gjuhë dhe imazhe të fuqishme. Ne krijuam zemrën që e quajmë Milagro në kulturën meksikane, dhe drita e saj të jetë një metaforë për shërimin gjatë gjithë historisë”, shpjegoi Tania.

Ashtu si zemra, edhe lulet në fustanin Rodarte kishin një kuptim më të thellë. “Ne dëshironim të kishim këto lidhje, të krijonim këtë pamje dhe të luanim me lulet mahnitëse, por duke e sjellë më moderne dhe aktuale“, vazhdoi Tania. “Lulet në veshje, në flokë dhe brenda videos  lidhen me këtë ide të rinovimit.”

“Unë e dua rolin që natyra luan në video dhe se si ajo përfaqëson shërimin dhe rritjen”, shpjegoi Selena. “Shpresoj që mesazhi i shpresës të vijë pas pranimit të dhimbjes dhe lëndimit.” Këngët e Selenës për thyerjen e zemrës kanë bërë jehonë për miliona fansa, pas ndarjes së saj me Justin Bieber, në fillim të vitit 2018. Shumë fansa besuan se kjo ndarje ishte burimi i frymëzimit i rikthimit të saj në këngë, me “Lose You To Love Me”, në janar 2020.

“De Una Vez” është kënga e parë e Selenës në spanjisht.