A do të mbyllen shkollat? Ja si përgjigjet zv.ministrja Rakacolli. Bino: Përgjigjet e testit, brenda 24-72 orëve 0 28

Zëvendësministrja e Shëndetësisë, Mira Rakacolli, tha se momentalisht nuk ka një vendim për mbylljen e shkollave dhe rikthimin e mësimit online.

Gjatë konferencës së Komitetit Teknik të Ekspertëve, zv.ministrja Rakacolli theksoi se shkollat deri më tani nuk janë rrezik për përhapjen e virusit të rrezikshëm.

“Nëse nuk do të kishim përdorur maskat, shifrat do të ishin më të larta. Në shumicën e rasteve, ata që kanë rezultuar pozitivë, nuk kanë përdorur maskat. Sa i përket shkollave, cdo masë që merret, merret në bazë të shifrave dhe arsyes pse janë këto shifra. Fatmirësisht na rezulton që në shkolla nuk ka shpërndarje të madhe të infeksionit. Nuk i kemi shkollat vatra të infeksionit. Ne po vazhdojmë t’i monitorojmë. Ne shohim fenomenin dhe kush janë faktorët që kanë cuar në këtë fenomen”, u shpreh Rakacolli.

Shefja e epidemiologjisë në Institutin e Shëndetit Publik, Silva Bino, tha se do të rritet numri i testeve anti-Covid, si dhe marrja e përgjigjeve, ku në vijim qytetarët do të mund të marrin përgjigjen e tamponit brenda 24-72 orëve.

“Ne synojmë të kemi përgjigjet brenda 24-72 orëve dhe ky do të jetë standardi ynë nga dita e sotme. Do arrijmë që minimumi të testohet 1% e popullatës në muaj. Është tepër e rëndësishme edhe marrja e përgjigjeve. Nuk mund të bëj parashikohe, por e rëndësishme është të matet impakti i këtyre masave. Përgjegjshmëria me parandalimin e Covid-19 është jo vetëm shtetërore, por edhe individuale” u shpreh Bino. / B.W

Leave a Reply

Your email address will not be published. Required fields are marked *

Takim me strukturat e PR në Njësinë Nr.3, – kryetari i PR bëri thirrje për një kujdes të veçantë nga Pandemia e Covid 19. 0 13

Që në fillim të takimit me strukturat e PR në Njësinë Nr.3, – kryetari i PR bëri thirrje për një kujdes të veçantë nga Pandemia e Covid 19.

Shumë jetë kanë humbur, dhe shumë të tjerë kanë kaluar vështirësi të mëdha shëndetësore, dhe pamundësi financiare, për t’u përballur.

Kostoja e kurimit të COVID është disa herë më e lartë se paga mesatare mujore, dhe papunësia e varfëria ka rënduar më shumë këtë situatë.

Zgjedhjet parlamentare të 25 Prillit kanë një rëndësi kombëtare.

Rama ka shkatërruar çdo mundësi mirëbesimi dhe bashkëpunimi, për zgjedhje të lira dhe të ndershme.

Si asnjëherë më parë, nuk ka një reformë zgjedhore, për të zbatuar rekomandimet e OSBE/ODHIR-it.

Me qëllim të qartë manipulimi, ai ndryshoi Kushtetutën dhe Kodin Zgjedhor pa opozitën, në kundërshtim me kërkesat e Bashkimit Europian dhe kushteve të Gjermanisë.

Për këtë arsye, vendet anëtare të BE, janë kundër hapjes faktike të negociatave ndërmjet konferencës ndërqeveritare, që pritej të zhvillohej, nëse Shqipëria do të plotësonte kushtet e vendosura nga Bundestagu Gjerman.

Ndryshimet kushtetuese që bëri Rama, nuk janë praktikë e asnjë vendi të NATOs, apo vendeve që duan të bëhen pjesë e BE.

Edhe Putini, që Rama kërkon të imitojë, e ndryshoi Kushtetutën me referendum.

Regjimi I korruptuar në pushtet, nuk ka asgjë të përbashkët me BE-në, sepse Bashkimi Europian është çdo gjë e kundërt me atë që ka ndërtuar Rama, është respekt për qytetarët, Kushtetutën, ligjin, institucionet, është luftë kundër korrupsionit dhe krimit, është standart ekonomik dhe social.

 

 

Tërmeti tragjik/ Varhelyi publikon pamjet e trishta nën rrënoja: BE vazhdon të jetë pranë Shqipërisë, rindërtimi transparent 0 9

Komisioneri për Zgjerim, Oliver Varhelyi, jep një mesazh në 1-vjetorin e tërmetit tragjik që tronditi Shqipërinë, teksa publikon publikon pamje të trishta nga rrënojat dhe ekipet e kërkim-shpëtimit.

Varhelyi shkruan se edhe pas një viti Bashkimi Evropian vijon të qëndrojë pranë Shqipërisë, duke ndihmuar në rindërtimin e shkollave dhe vendeve të trashëgimisë kulturore, të dëmtuara nga tërmeti me magnitudë 6.4 të shkallës rihter.

“Një vit pas tërmetit shkatërrues në nëntor 2019 në Shqipëri dhe pas solidaritetit të madh të treguar në Konferencën e Donatorëve të organizuar nga Komisioni Evropian në shkurt, Bashkimi Evropian vazhdon të qëndrojë pranë Shqipërisë, për të rindërtuar shkollat dhe vendet e trashëgimisë kulturore. E rëndësishme është që rindërtimi pas tërmetit ndjek parimet e përgjegjësisë, transparencës dhe ndërtimit më të mirë”, thekson komisioneri.

 

(BalkanWeb)