47 vjeçarja kërkon ndihmë nga Policia: Më shpëtoni nga ish e dashura e burrit 0 23

Një 47-vjeçare, e cila përfundoi në dyert e gjykatës për t’u ndarë nga bashkëshorti, këmbëngul në polici se po kërcënohet nga ish e dashura e tij, një vajzë e re që e ka kontaktuar që në fazat e para të divorcit duke e pyetur: Vërtet po i jepni fund jetesës së bashku?

Por kur gruaja ka pohuar fazën ku gjendej çifti në atë moment, disa muaj më vonë, të dy burrë dhe grua të ftuar nga gjyqtarja e çështjeve civile për t’u pajtuar dhe për t’i dhënë edhe një mundësi marrëdhënies pranuan të ribashkohen.

E gjitha kjo ka sjellë një furtunë tek ish e dashura e Z. H. që këmbëngul se u mashtrua prej tij duke qenë se ai i kishte premtuar bashkëjetesë. Një sërë mesazhesh, në Facebook, Internet, Whats App jo vetëm çiftit të ribashkuar, por edhe të afërmve të tyre janë kthyer në prova që kanë angazhuar policinë qendrore të nisë këqyrjen e bisedave, në të cilat janë angazhuar edhe prindërit e 33-vjeçares së braktisur. Këta të fundit i kanë hyrë po ashtu betejës për ta mbrojtur vajzën menjëherë sapo janë kontaktuar nga 47-vjeçarja.

“Nuk dua ta di nëse ekzistoni apo jo, por do të ishte e mira mos të ma preknit plagën. Uroj që trimi jot mos ta provojë durimin tim. Ai palaço më mori në qafë vajzën, një ditë do ja kthej rastin”, i përgjigjet babai i vajzës gruas së martuar.

Sipas dosjes që gazeta Si disponon, çifti nisi procedurat e ndarjes në vitin 2018, dhe në janar 2019 gruaja ka kryer një bisedë të gjatë me të renë, e cila i ka kërkuar informacion për bashkëshortin. Por teksa E. H ka qenë e disponueshme për të panjohurën duke i treguar se ishin ndarë, por divorci nuk ishte ligjëruar ende, në adresat e saj në jetën virtuale kanë vijuar sulmet. Shkak kuptohet të jetë bërë rikthimi i burrit tek ish gruaja dhe për rrjedhim anulimi i ndarjes.

“Në korrik 2020, në adresat e mia dhe të tim shoqi, të familjarëve tanë dërgoheshin ftesa për miqësi nga një profil fals. E njëjta gjë kishte ndodhur në adresën e kunatës, kunatit dhe rrethit të ngushtë familjar”, shprehet 47-vjeçarja që së paku në këtë rast e ka pasur në krah të shoqin.

“Nga i njëjti profil vazhdoi të ngacmojë burrin dhe vazhdonte e provokonte. Mesazhet e saj ofenduese ndaj bashkëshortit dhe ndaj meje janë të padurueshme, ajo vazhdon pothuajse me të njëjtin periodicitet, atij i shkruan njëherë në javë, kurse mua njëherë në muaj”, kallëzon më tej 47-vjeçarja.

“Madje nuk është kursyer t’i bjerë edhe skype tim në orën dy të natës me emrin dhe mbiemrin e saj”. Sidoqoftë nga këqyrja e telefonit të gruas rezulton që edhe ajo ka hapur profile false dhe i ka shkruar 33-vjeçares, – deklaron policia për gazetën Si, biseda që janë shkëputur për interes të hetimit të mëtejshëm që do të zbardhë se konkretisht cila nga palët po e vështirëson jetën e tjetrit.

Por çfarë e trembi gruan?

Hapa të tjerë dhe një mesazh në telefonin e të shoqit ku ajo e paralajmëron se do të bëjë namin e ka ulur me këmbë në tokë bashkëshorten. Veprimi i radhës i ish të dashurës ka qenë hapja e një profili me fotografinë e burrit të saj dhe me emrin dhe mbiemrin e tij.

“Ky profil i shkroi tim shoqi- “hë m.t i martuar”. Por policia shton se kjo foto e përdorur në hapjen e adresës së Facebook nuk është marrë nga fondi i llogarisë së burrit, por është një foto që ish e dashura e disponon gjatë lidhjes me 49-vjeçarin, një histori që dyshohet të ketë vazhduar edhe pas vendimit të çiftit për të mos u divorcuar.

“Megjithatë 33-vjeçarja duhet të ketë vazhduar lidhjen derisa e ka zbuluar që po gënjehej nga burri i martuar dhe kjo ka sjellë zemërimin e saj”, thotë agjenti i krimeve kibernetike, sipas të cilit është disponuar me sekuestrimin e bisedave të të treve dhe midis tyre personi që është më shumë në vështirësi nuk janë dy gratë, por burri.

“Burri im është i pafajshëm, vajza juaj ishte adulte. Të dy i hynë një aventure. Ju lutem më mirëkuptoni”, i përgjigjet gruaja prindërve që në një varg mesazhesh shtojnë detaje që gruaja nuk i dinte dhe nuk kishte informacion.

“Por unë kam pretendime ndaj ish të dashurës, thekson 47-vjeçarja dhe sipas saj edhe në rast se e ka gënjyer e ka bërë për një qëllim madhor, për të shpëtuar martesën. Policia thotë për gazetën Si se do thërrasë veç e veç vajzën, prindërit saj dhe burrin e denoncueses për të plotësuar fashikullin e hetimit dhe për ta referuar më tej në prokurori për dyshimet e përndjekjes./ Gazeta SI

Leave a Reply

Your email address will not be published. Required fields are marked *

Si do të zhvillohet mësimi ?! sqaron Ministrja e Arsimit 0 15

Ministria e Arsimit Evis Kushi, pas kërkesës nga ana e Ministrisë së Shëndetësisë që shkollat të bëhen në mënyrë të kombinuar, online dhe në klasa, ka njoftuar se ky skenar i ri do të nisë më 1 dhjetor.

Pas konsultimeve me ekspertë e fushës kemi hartuar shtojcën e udhëzuesit të fillim vitit 2020-2021. Sipas udhëzuesit shkollat do të kenë fleksibilitet në përzgjedhjen e mësimi të alternuar në varësi të situatës së pandemisë, numrit të nxënësve apo kushteve specifike, por gjithmonë duke ruajtur të gjitha rregullat higjieno-sanitare dhe të distancimit fizik. Skenari i mësimit të kombinuar do të nisë nga data 1 dhjetor sipas rekomandimit të Komitetit të Ekspertëve. Gjatë kësaj periudhë do vazhdojë i njëjti program arsimor dhe orari mësimor që shkollat kanë tani. Çdo të premte shkollat do të raportojnë në zyrat arsimore dhe pastaj do të merret vendimi për çdo shkollë”, tha Kushi.

Sipas këtij udhëzuesi klasat e arsimit fillor nga e para në të pestën dhe klasa e 12 do vazhdojnë normalisht mësimin në shkollë. Ndërsa sa i përket klasave të tjera, ministrja tha se në javët tek (1-3), 2 ditët e para mësimi do të zhvillohet në shkollë, dhe tre të tjerat online, kurse në javët çift (2-4) dy ditët e para online, dhe tre të tjerat në shkollë.

Klasa e 6 deri në të 9, si dhe klasat 10 dhe 11 do të zhvillojnë mësimin në këtë mënyrë: Në javën tek, pra javën e parë dhe të tretë të muajit: 2 ditët e para të javës në mjediset e shkollës, dhe 3 ditët e tjera të javës online. Në javën çift, pra në javën e dytë dhe të katërt, ditët këmbehen: pra 2 ditët e para të javës nxënësit janë online dhe 3 ditët e tjera të javës me prezencë fizike në shkollë” tha Kushi.

Gjithashtu, ministrja theksoi se në rastet kur situata është e rënduar vetëm klasa e parë dhe e 12 do të zhvillojnë mësimin në ambientet fizike të shkollës.

Në rastet edhe më të rënduara vetëm klasa e parë dhe e 12 do të jenë në mjediset fizike të shkollës. Në raste të veçanta, kur ka raporte mjekësore, nxënësit mund ta zhvillojnë mësimin tërësisht online. Në ato shkolla ku numri i nxënësve është i ulët dhe s’ka raste me Covid-19 mund të zbatohet edhe skenari i parë. Gjatë kësaj periudhë kanali i dedikuar RTSH Shkolla dhe Akademi.al do të jenë në dispozicion të nxënësve dhe mësuesve”, vijoi Evis Kushi.

/Opinion.al

Takim me strukturat e PR në Njësinë Nr.3, – kryetari i PR bëri thirrje për një kujdes të veçantë nga Pandemia e Covid 19. 0 13

Që në fillim të takimit me strukturat e PR në Njësinë Nr.3, – kryetari i PR bëri thirrje për një kujdes të veçantë nga Pandemia e Covid 19.

Shumë jetë kanë humbur, dhe shumë të tjerë kanë kaluar vështirësi të mëdha shëndetësore, dhe pamundësi financiare, për t’u përballur.

Kostoja e kurimit të COVID është disa herë më e lartë se paga mesatare mujore, dhe papunësia e varfëria ka rënduar më shumë këtë situatë.

Zgjedhjet parlamentare të 25 Prillit kanë një rëndësi kombëtare.

Rama ka shkatërruar çdo mundësi mirëbesimi dhe bashkëpunimi, për zgjedhje të lira dhe të ndershme.

Si asnjëherë më parë, nuk ka një reformë zgjedhore, për të zbatuar rekomandimet e OSBE/ODHIR-it.

Me qëllim të qartë manipulimi, ai ndryshoi Kushtetutën dhe Kodin Zgjedhor pa opozitën, në kundërshtim me kërkesat e Bashkimit Europian dhe kushteve të Gjermanisë.

Për këtë arsye, vendet anëtare të BE, janë kundër hapjes faktike të negociatave ndërmjet konferencës ndërqeveritare, që pritej të zhvillohej, nëse Shqipëria do të plotësonte kushtet e vendosura nga Bundestagu Gjerman.

Ndryshimet kushtetuese që bëri Rama, nuk janë praktikë e asnjë vendi të NATOs, apo vendeve që duan të bëhen pjesë e BE.

Edhe Putini, që Rama kërkon të imitojë, e ndryshoi Kushtetutën me referendum.

Regjimi I korruptuar në pushtet, nuk ka asgjë të përbashkët me BE-në, sepse Bashkimi Europian është çdo gjë e kundërt me atë që ka ndërtuar Rama, është respekt për qytetarët, Kushtetutën, ligjin, institucionet, është luftë kundër korrupsionit dhe krimit, është standart ekonomik dhe social.