20 vjeçarja lindi fëmijën dhe ndërroi jetë në maternitet, flasin familjarët: Na morën në qafë vajzën e vetme 0 33

Kleandra Muxhaj është 20 vjeçarja nga fshati Zhulat i Gjirokastrës që ka ndërruar jetë në orët e para të ditës së sotme në maternitetin e këtij qyteti.

E reja shtatzënë, është paraqitur në maternitetin e spitalit të Gjirokastrës rreth orës 03.30 të mëngjesit dhe me dhimbje të forta në bark, në muajin e nëntë. Sipas familjarëve, vajza e tyre është futur në operacion dhe mjekët i kanë njoftuar se lindja kishte shkuar mirë, dhe se nëna e foshnja gëzonin shëndet të plotë.

Te qetë nga ky lajm, familjarët shkojnë në shtëpi, ku pas disa orësh njoftohen se vajza e tyre kishte shfaqur komplikacione dhe ishte në gjendje të rëndë. Kur kanë shkuar në maternitetin e spitalit të Gjirokastrës, familjarët e Kleandra Muxhajt kanë marrë lajmin e kobshëm se 20 vjeçarja kishte ndërruar jetë.

Ndërkohë, mjekët e maternitetit janë shprehur se foshnja ka qenë në një pozicion kryq në barkun e nënës dhe kjo i ka shkaktuar asaj probleme e dhimbje. Për këtë rast po pritet dhe për ekstertizën mjeko-ligjore e cila do të nxjerr saktë shkakun e vdekjes.

Familjarët e Kleandra Muxhajt kanë akuzuar mjekët për neglizhencë. “Na e morën më qafë vajzën e vetme”, janë shprehur ata.

“Më tha doktori si i ka dhimbjet. Më tha ma sill. E solla i bëra ekon. Më tha ka fëmijën keq, kokën këtej këmbët këtej. Na tha doli me sukses dhe bebi dhe nusja. Bebi është 2 kg e gjysmë. Lindi në orën 22:00. I mora qumështin e bebit. E takova vajzën. U fut edhe kunati i nuses djali tjetër. Iku doktori dhe e lamë për nesër që ta shohim. Më morën në 4 e gjysmë të mëngjesit.

Erdha këtu e kishin futur vajzën në operacion. Na thanë infermieret që vajza është mirë. Kur erdha unë këtu nusja kishte mbaruar. Bebi është brenda. Ka ardhur mamaja e vazjës që i vdiq vajza 20-vjeçe i thanë largohu se na bën zhurmë. I dhashë 5 mijë lekë, aman na bëj kujdes se lehone. Infermierja na tha nuk duheshin që sot këto që keni blerë ju pasi na vuri t’i blejmë. Po bëhet ekspertiza dhe e cakton Tirana. Na erdhën na thanë që vajza mund të ketë infeksion në gjak por vajza i ka bërë të gjitha analizat. Mjeku na tha në fillim që i ka parametrat në rregull pastaj u shpreh se kishte hemorragji. Tani do i hedhim në gjyq. Kemi paditur stafin e spitalit.

I kam marrë të gjitha ilaçet që thoshte mjeku. Kemi shumë frikë dhe na tha se vajza mund të ketë qenë me COVID. Vajza nuk ka pasur asnjë shenjë infektimi. Kjo është shëndetësia që reklamon Ogerta Manastirliu. Nëse mjekët nuk janë për këtë punë të lënë punën”, është shprehur vjehrra e saj./NewsBomb

Leave a Reply

Your email address will not be published. Required fields are marked *

557 raste të reja dhe 12 viktima nga Covid gjatë 24 orëve të fundit 0 1

Ministria e Shëndetësisë bën të ditur se në 24 orët e fundit në vendin tonë janë zbuluar 557 raste të reja me koronavirus.

Rastet pozitive të konfirmuara në 24 orët e fundit janë identifikuar në këto bashki: 254 raste në Tiranë, 46 raste në Durrës, 38 raste në Lezhë, 31 raste në Vlorë, 27 raste në Elbasan, 25 raste në Shkodër dhe Korçë, 22 raste në Lushnje, 16 raste në Sarandë, 13 raste në Krujë, 11 në Gjirokastër, 8 raste në Kavajë, 7 raste në Fier dhe Has, 6 raste në Kolonjë, 4 raste në Kukës dhe Gramsh, 3 raste në Devoll, Mat, Pogradec, 1 rast në Kurbin, Pukë, Berat, Skrapar.

Gjatë 24 orëve të fundit 12 qytetarë të infektuar me Covid-19 kanë humbur jetën: 5 qytetarë nga Tirana, 1 qytetar nga Durrësi, 1 qytetar nga Vlora, 1 qytetar nga Elbasani, 1 qytetare nga Patosi, 1 qytetar nga Gramshi, 1 qytetar nga Puka, 1 qytetar nga Shkodra.

Aktualisht në 3 spitalet COVID, po trajtohen 491 pacientë. 32 prej tyre janë në terapi intensive ndërsa 7 pacientë janë të intubuar.

Në 24 orët e fundit janë shëruar 368 qytetarë, duke e çuar numrin e të shëruarve 18.849 që nga fillimi i epidemisë.

 

Capital T e thumboi -“Ma reper se ti është Lori” pas Mozzik reagon Loredana 0 6

Capital T ishte i ftuari i fundit i emisionit Gjoni Black, emision i moderuar nga Meriton Mjekiqi dhe nga i cili jo rrallë herë lindin pakënaqësi mes reperave të njohur.

Pas intervistës së gjatë, ashtu siç e do zakoni i emisionit, Kapo këndoi disa freestyle dhe një frazë e tij u interpretua si “thumb” për Mozzik.

E themi këtë pasi ai u shpreh: “Ma reper se ti është Lori”.

Kaq mjaftoi që fansat të aludojnë se mes dy reperave ka pakënaqësi dhe siç këtë detaj e vuri re edhe Mozzik.

Ky i fundit postoi një foto në të cilën shkruhet “Hustle baby hustle”, foto që u interpretua si një përgjigje për Capital T, si për t’i treguar që është nxituar.

Screenshot_1.png

 

Mirëpo edhe Loredana s’ka qëndruar duarkryq, pasi ajo e ka hequr nga Instagrami Kapon, ndërsa ky i fundit i ndjek të dy.